Bira Sosio di ACU
Djòin un kooperativa finansiero konfiabel i kuminsá konstruí un futuro finansiero mas fuerte. Hasi bo aplikashon online rápido, sigur i kumbiniente a traves di nos proseso digital.
Promé ku Bo Kuminsá
Skèn e kódigo QR òf klek e lenk di aplikashon abou pa kuminsá bo aplikashon pa bira sosio.
Nos ta rekomendá pa usa un smartphone pa e mihó eksperensia di aplikashon.
Bo aplikashon mester ta yená i entregá denter di 7 dia despues di a kuminsá yena e aplikashon. Despues di 7 dia, aplikashonnan inkompleto lo kaduká outomátikamente; lo mester kuminsá un aplikashon nobo.
Mas ku Servisio Finansiero
Na ACU, miembresia ta mas ku habri un kuenta. Komo sosio, bo ta bira ko-doño di un kooperativa finansiero konstruí riba stabilidat, kresementu mutuo i impakto sosial.
Huntu ta Fortalesé Komunidatnan
Bo miembresia ta kontribuí na un movementu kooperativo ku ta sostené independensia finansiero, desaroyo sostenibel i komunidatnan lokal mas fuerte. Ora bo djòin ACU, bo ta bira parti di un organisashon ku ta krea balor a largu plaso pa su sosionan i futuro generashonnan.
Disfrutá di Benefisionan Eksklusivo pa Sosio
Komo sosio di ACU, bo ta haña akseso na:
• Un Kuenta di Akshon, Kuenta Koriente i Kuenta di Depósito
• Produktonan i servisio finansiero kompetitivo
• Deskuentonan eksklusivo na negoshinan partner
• Kursonan edukativo grátis, manera edukashon finansiero
• Oportunidatnan pa partisipá den e kooperativa i yuda forma su futuro
Kontribushonnan di Miembresia
Komo sosio di ACU, bo ta kontribuí na forsa i durabilidat di e kooperativa pa medio di:
• Un kontribushon di mínimo XCG 25 mensualmente riba bo Kuenta di Akshon
• Un kontribushon pa inisiá bo miembresia di XCG 103 un solo bes
• Kontribushonnan anual di kooperashon i regulashon segun ta aplikabel
Pa detaye kompletu, por fabor revisá e Statutonan i Reglanan Doméstiko di ACU.
Dokumentonan Rekerí (importante pa aplikashon)
Promé ku Bo Apliká
Pèrkurá di tin e siguiente dokumentonan:
• ID bálido (Sédula, Reibeweis, òf Pasport)
• Prueba di Adrès (no mas bieu ku 6 luna)
• Último Slep di Salario (no mas bieu ku 1 luna)
Si ta apliká a traves di un miembro eksistente:
• ID di miembro eksistente
• Prueba di relashon (Sertifikado di Matrimonio òf Ekstrakto di Registro Sivil)
Kambio di adrès, dunadó di trabou òf funshon
Si bo kambia di direkshon, doño di trabou òf funshon, ta importante pa informá ACU di esaki mas pronto posibel. Por hasi esaki di e siguiente formanan:
- Pasa personalmente na ofisina di ACU
- Manda un pòstkart ku bo kambio di direkshon na Pater Eeuwensweg 7 òf na Pòstbùs 497
- Manda bo datonan pa medio di faks òf email pa nos na (5999) 462-7110 òf na info@acu.cw
- Hasi uso di nos Formulario di kambio.
Keda miembro den eksterior
Bo tin idea di bai biba den eksterior i tòg keda miembro?
- Pasa personalmente na nos ofisina pa duna nos bo futuro direkshon nobo.
- Laga un outorisashon atras pa asina un otro persona por sigui atendé bo asuntunan finansiero.
- Firma un deklarashon na ACU pa asina, si ta nesesario, nos por hasi transakshonnan pa bo den eksterior.
Kla pa Djòin ACU?
Bo ta djis algun paso leu di bira parti di un kooperativa ku ta sostené bo ambishonnan, fortalesé komunidatnan, i krese ku bo.
Start Bo Aplikashon pa Miembresia