Akshon

Ora bo ta miembro di ACU, bo tin obligashon pa spar tur luna por lo ménos NAƒ 25,= riba bo akshon. Un akshon ta un suma di plaka ku kua un miembro ta partisipá na e kapital di e koperativa. Akshonnan di tur miembro huntu ta forma e kapital ku ACU ta traha kuné. Ku e kapital aki entre otro tambe ta paga tur fiansa. Konforme statutonan kada miembro mester tin por lo ménos 1 akshon di  ACU. Balor di un akshon ta  NAƒ 50,=. Bo mes por determiná kuantu sèn èkstra bo ke spar riba akshon. Pa mas detaye tokante di akshon, lesa e Preguntanan hopi hasí.

 

Depósito 3.7%

Un depósito ta un kuenta di spar kaminda bo por lanta sèn tur ora bai. Pa esaki bo por akudí na kahanan di ACU òf na un di noskaheronan outomátiko (ATM). E bentaha di sparmentu ku ACU ta ku bo ta risibí un interes mas haltu ku otro kaminda (3.7 % pa aña) i ku ta agregá e interes tur luna riba bo kuenta di spar.
Pa mas detaye tokante di e depósito, lesa e Preguntanan hopi hasí.

 

Sparmentu pa gastu anual 3.7%

Bo por, pa medio di un kuenta spesial, spar pa un gastu anual ku ta bin bèk tur aña manera bo fakansi òf gastunan pa estudio di bo yunan. Kontrali na e kuenta di spar di depósito, bo no por lanta sèn for di e kuenta di spar aki pa medio di e kaheronan outomátiko (ATM). Klaro ku bo ta liber si pa lanta e plaka di spar na momentu ku bo ke disponé di dje. Pa e kuenta di spar aki ta konta un interes di 3.7% pa aña.

Depósito A Largu Plaso (DALP) 4%

E Depósito A Largu Plaso ta un kuenta di spar spesial, kaminda bo por ‘fris’ e plaka di spar pa un temporada di 1 aña. Ta posibel pa lanta bo sèn entretantu, pero e ta nifiká ku bo ta risibí ménos ku e porsentahe di interes ku ta konta normalmente pa e Depósito A Largu Plaso. Pa e depósito aki ta konta un interes di 4%.
Pa mas detaye tokante e Depósito A Largu Plaso, lesa e Preguntanan hopi hasí.

 

Abeguitu PLÙS 5.25%

Siñansa ta di tuma na chikí: ku e kuenta Abeguitu PLÙS bo por siña bo yunan spar for di chikí. Abeguitu PLÙS ta e kuenta di spar di ACU spesial pa mucha- i hóbennan di 0 te ku 27 aña di edat ku ta bai skol òf ta sigui un estudio. E kuenta di spar aki ta konta ku un interes anual di 5.25%. Pa mas informashon tokante e programa di spar  Abeguitu PLÙS, lesa e Kombenio Kuenta di Spar pa Hóbennan Abeguitu PLÙS i e Kondishonnan General Kuenta di Spar pa Hóbennan Abeguitu PLÙS.

 

Hasi uso di bo posibilidatnan pa spar!

Semper ta dushi ora bo tin un montante tras di man. Por ehèmpel, pa ora bo tin gastunan ku bo no por paga di bo suèldu mensual òf na momentu di un kontratempu finansiero presentá, manera un reparashon grandi na bo outo. Pa kada hende esaki ta diferente i p’esei na ACU kada ken ta haña algu di su smak. ACU ta brinda su miembronan diferente formanan di spar ku porsentahenan di interes sumamente  atraktivo.

FLYERS FIANSA SPESHAL