Di Fundeshi te Dak
Un formashon práktiko di konstrukshon pa sosionan di ACU, pa siña desaroyá abilidatnan i huntu krea un komunidat mas fuerte.
*Ku eksepshon di dianan di fiesta. Lo palabrá e dianan akí ku e instituto enkargá ku e training.
Kiko e programa di kapasitashon i impakto komunitario
Di Fundeshi te Dak ta enserá?
Ta trata di un programa di kapasitashon ku durashon di 6 luna, kaminda partisipantenan ta haña konosementu amplio di e trabounan di konstrukshon.
E kurso ta kombiná teoria ku práktika, pa partisipantenan ademas di siña kon konstrukshon ta funshoná, haña tambe oportunidat pa pone loke nan ta siña den práktika.
E programa ta bai mas leu ku solamente siña abilidatnan nobo.
E konosementu ku e partisipante haña, ACU ta brinda espasio ku e por duna esaki bèk na nos komunidat.
Fundeshi te Dak
Kiko bo ta haña?
Formashon práktiko
Desaroyá konosementu i abilidatnan básiko den diferente área di konstrukshon.
Teoria + práktika
Kombiná konosementu teorétiko ku eksperensia práktiko.
6 luna di formashon
Lès riba djasabra di 09:00 pa 12:00.
Idioma di lès
E lèsnan ta duná na Papiamentu.
Sertifikado
Despues di finalisá e programa ku éksito, e partisipante ta risibí un sertifikado di partisipashon.
Huntu nos ta invertí den bo desaroyo
ACU ta kere den responsabilidat kompartí. P'esei konhuntamente ku e partisipante e ta invertí den e partisipante su formashon.
Entrante 1 di òktober partisipante mester kuminsá depositá e kontribushon di XCG 132.50 riba number di kuenta MCB 25630503 di ACU.
Material di lès (p.e. skref, pèn, pòtlot, brel di seguridat, linial, sinta di midi etc.) no ta inkluí den e kontribushon i partisipante mes ta responsabel pa esakinan.
Meta di e Programa Di Kapasitashon i Impakto Komunitario - Di Fundeshi te Dak no ta solamente pa invertí den desaroyo personal di nos sosionan. ACU ta deseá pa e abilidatnan nobo ku nan desaroyá por tin un impakto positivo den nos komunidat tambe.
P'esei, despues ku e partisipante finalisá e formashon ku éksito, e ta komprometé pa kontribuí mínimo 2 biaha boluntariamente na proyektonan sosial di ACU.
E proyektonan por inkluí trabou pa yuda famia den situashon vulnerabel òf organisashonnan den nos komunidat.
E programa akí ta pa bo?
"E Programa Di Kapasitashon i Impakto Komunitario - Di Fundeshi te Dak" por ta pa bo si:
Bo ta sosio di ACU
Bo tin interes pa siña abilidatnan práktiko di konstrukshon
Bo ta dispuesto pa sigui e programa durante 6 luna
Bo por partisipá tur djasabra di 09:00 pa 12:00
Bo ta dispuesto pa invertí XCG 125 (ekskl. OB) pa luna
Bo ta dispuesto pa sòru pa bo propio material di lès
Bo ta dispuesto pa despues di e formashon kontribuí mínimo 2 biaha na un proyekto sosial di ACU
Bo ta dispuesto pa firma un akuerdo di partisipashon ku ACU promé ku inisiá e programa
Bo kompromiso ta importante
Pa saka máksimo probecho for di e programa, nos ta spera ku kada partisipante ta tuma su formashon na serio.
Esaki ta nifiká entre otro ku e partisipante ta:
- Asistí na e lèsnan regularmente (mín. 85% presensia) i na tempu;
- Partisipá aktivamente den teoria i práktika;
- Sigui instrukshonnan di seguridat;
- Usa su materialnan di lès i seguridat durante seshonnan práktiko;
- Traha riba su desaroyo konhuntamente ku e instruktor i demas partisipante.
Kiko e sertifikado ta nifiká?
Despues di finalisá e programa ku éksito, bo ta risibí un sertifikado di partisipashon.
E sertifikado ta rekonosé ku bo a kompletá e programa, pero e no ta garantia di trabou, entrada, proyekto òf un siguiente estudio.
Kla pa kuminsá konstruí?
Inskribí promé ku
30 sèptèmber 2026.
Lugánan ta limitá.