Nederlands: 

English:   

Kiko hasi na momento ku un sosio di ACU a fayesé

Pèrdè un ser kerí no ta nada fásil. Den e momento difísil akí, ACU tei pa sostené bo mas mihó posibel ku atendementu di asuntunan finansiero di e sosio ku a fayesé.

Probablemente e sosio defuntu tin fondo riba su kuentanan na ACU. Pa bin na remarke pa e fondonan akí, e familiar apuntá mester yena e formulario di RIP. E dokumentonan nesesario pa entregá huntu ku e formulario di RIP ta dependé di saldo di e fondonan. Tuma nota di esaki.

Na momentu ku nos risibí e formulario yená, un representante di ACU lo tuma kontakto ku bo personalmente pa traha un sita. Durante e sita akí, nos lo guia bo paso pa paso den e proseso.

Ainda bo tin un inkietut? Laga nos yuda bo ku esei tambe. Tuma kontakto ku nos na 434-7100 i gustosamente nos ta yuda bo. Nos tei pa sirbi bo.

Yena Formulario RIP

Kategorianan

Semper un deklarashon di herensia ta nesesario den kaso ku lei di Kòrsou, Sint Maarten òf Boneiru no ta aplikabel pa e herensia. Si un notario ta enkargá ku repartishon di e herensia, riba petishon di e notario akí, ACU lo transferí saldo di famia di e defuntu pa e kuenta pa fondonan di tersera di e notario en kuestion.  

Kategoria Saldo na ACU Dokumentashon rekerí
I Te XCG. 5.000,=
  • Akta di fayesimentu
  • Deklarashon di herensia òf posibel tèstamènt. Si tin un tèstamènt no tin mester di ningun dokumento adishonal aparte di identifikashon di e persona(nan) outorisá pa risibí e herensia.
  • Deklarashon di Sentral di Registro di Tèstamènt. Si tin tèstamènt: tèstamènt i identifikashon di tur heredero, ademas di deklarashon di aseptashon òf rechaso di herensia a ménos ku tin un ehekutor òf apoderado. Den e último kaso akí identifikashon di e persona ta sufisiente.
  • Si no tin tèstamènt: eventual apoderashon (notarial) i identifikashon di e apoderado òf:
    • Identifikashon i deklarashon di “stamboom” (òf Ekstrakto di Registrashon Básiko di Datonan Personal di tur heredero ku menshon di yunan)
    • Deklarashon di aseptashon di herensia, aseptashon kondishonal di herensia òf rechaso di herensia
II XCG 5.001 – XCG. 15.000
  • Akta di fayesimentu
  • Deklarashon di herensia òf posibel deklarashon di ehekushon. Si tin un deklarashon di ehekushon no tin mester di ningun dokumento adishonal ku no ta identifikashon di e persona(nan) outorisá pa risibí e herensia.
  • Pago sin un deklarashon di herensia òf ehekushon por tuma lugá únikamente den kaso ku ta trata di un herensia simpel. Bou di simpel por komprendé:
    • Heredero ta únikamente esposo/esposa
    • Heredero(nan) ta únikamente esposo/esposa i/òf yunan di ámbos mayor
    Dokumentashon rekerí den e kaso akí ta: deklarashon di “stamboom”, deklarashon di Sentral di Registro di Tèstamènt, eventual tèstamènt.
  • Identifikashon di benefisiarionan den tur kaso
III For di XCG. 15.001
  • Akta di fayesimentu
  • Deklarashon di herensia
  • Identifikashon di benefisiarionan den tur kaso
Gastu di entiero Montante disponibel
  • Prueba di fayesimentu den forma di un deklarashon di dòkter òf di hopsital
  • Faktura di agensia funeraria