Komunikado Mudansa ACU OTROBANDA

Komunikado Mudansa ACU OTROBANDA

Willemstad, 25 mei 2021

ACU OTROBANDA TA BAI MUDA

Dia 11 di yüni 2021 ACU Otrobanda ta sera su portanan pa servisio na sosio i entrante 14 di yüni 2021 e ta habri su portanan na Sta. Maria. For di 1992 ACU a bin ta duna un servisio dediká i personalisá na su sosionan na e brènch na Otrobanda. E edifisio aki tin un nifikashon spesial den kurason di kada sosio.

E ta rekordá nos riba e promé edifisio di ACU den Graham Building na Wilhelminaplein na aña 1962, despues ACU a muda bai Scharlooweg na 1977 i na yüli di aña 1992 ACU a drenta su edifisio na Pater Eeuwensweg.

Den transkurso di tempu sosionan por a eksperensiá kon ACU a bin ta amplia i mehorá su servisionan na bienestar di su sosionan.

Awor ku ACU Otrobanda su portanan ta sera pa kliente entrante 11 di yüni 2021, sosionan por spera e mésun bon servisio na e dos lokalidatnan nobo di ACU kual ta Brènch Zuikertuin i Brènch st.Maria.

Bishitá nos wèpsait www.acu.cw pa mas informashon tokante e mudansa di ACU.

Den kuadro di esaki tene kuenta ku e siguiente kambionan:

• Entrante 7 di yüni 2021, no por hasi transakshon na Kaha na Otrobanda. Tur demas servisio na Otrobanda ta disponibel te ku dia 10 di yüni 2021. Despues di e fecha aki ACU Otrobanda ta muda tur servisio pa su brènch nobo na Sta. Maria;
• Di 7 te ku 11 di yüni 2021 servisio di transakshon na Kaha ta disponibel solamente na brènch na Zuikertuin Mall. Ademas nos brènch na Zuikertuin te ofresé tur otro servisio kustumbrá.

Tuma bon nota: entrante 14 di yüni 2021 ACU únikamente ta duna servisio na sosio, na su dos brènchnan nobo na Zuikertuin Mall i Sta. Maria (pegá ku La Curaçao).

Nos diskulpa pa kualkier inkumbiniensia ku e mudansa aki por okashoná. Nos úniko propósito ta sirbi bo mihó.